फलटण | प्रतिनिधी

महाराष्ट्र राज्याचे दिवंगत उपमुख्यमंत्री स्व. अजितदादा पवार यांच्या जयंतीनिमित्त फलटण शहरात विविध सामाजिक व जनहिताच्या उपक्रमांचे आयोजन करण्यात आले आहे. समाजसेवेचा वारसा जपत आणि रक्तदानासारख्या महादानाचा संदेश जनतेपर्यंत पोहोचविण्याच्या उद्देशाने बुधवार, दि. २२ जुलै २०२६ रोजी सकाळी ९.०० वाजता महाराजा मंगल कार्यालय, फलटण येथे भव्य रक्तदान शिबिराचे आयोजन करण्यात आले आहे.

या रक्तदान शिबिरामध्ये युवक, सामाजिक कार्यकर्ते, विविध संस्था, स्वयंसेवी संघटना तसेच सर्वसामान्य नागरिकांनी मोठ्या संख्येने सहभागी होऊन रक्तदान करावे, असे आवाहन आयोजकांकडून करण्यात आले आहे. रक्तदानामुळे अनेक गरजू रुग्णांना नवजीवन मिळू शकते. त्यामुळे समाजाप्रती आपली जबाबदारी ओळखून प्रत्येक सक्षम नागरिकाने या उपक्रमात सहभाग नोंदवावा, असेही आवाहन करण्यात आले आहे.

स्व. अजितदादा पवार यांनी समाजहिताला प्राधान्य देत लोकसेवेची जपलेली परंपरा प्रेरणादायी असून, त्यांच्या जयंतीनिमित्त आयोजित हा उपक्रम सामाजिक बांधिलकी अधिक दृढ करणारा ठरणार आहे. फलटण शहरातील विविध मान्यवर, लोकप्रतिनिधी, कार्यकर्ते आणि नागरिक या कार्यक्रमास उपस्थित राहणार असून रक्तदान शिबिर यशस्वी करण्यासाठी सर्वांनी सहकार्य करावे, असे आयोजकांनी नमूद केले आहे.

रक्तदान हे सर्वश्रेष्ठ दान मानले जाते. एका रक्तदात्यामुळे अनेक रुग्णांचे प्राण वाचू शकतात. त्यामुळे या सामाजिक उपक्रमात मोठ्या संख्येने सहभागी होऊन रक्तदान करून मानवतेच्या या सेवाकार्यात आपले योगदान द्यावे, असे आवाहन आयोजकांनी केले आहे.