फलटण-कोरेगाव विधानसभा मतदारसंघातील उत्तर कोरेगाव विभागातील सर्व गावांतील नागरिकांच्या विविध समस्या व प्रलंबित तक्रारींच्या निवारणासाठी जनता दरबाराचे आयोजन करण्यात आले आहे.

मंगळवार, दि. ८ सप्टेंबर २०२६ रोजी सकाळी ११ वाजता विष्णुलीला मंगल कार्यालय, पिंपोडे बु. येथे या जनता दरबाराचे आयोजन करण्यात आले आहे.

या जनता दरबारास मा.खा. रणजितसिंह नाईक निंबाळकर तसेच आमदार सचिन पाटील यांची प्रमुख उपस्थिती राहणार आहे. उत्तर कोरेगाव विभागातील सर्व गावांमधील नागरिकांना आपल्या गावातील तसेच वैयक्तिक स्वरूपाच्या शासन दरबारी प्रलंबित असलेल्या तक्रारी थेट मांडण्याची संधी या माध्यमातून उपलब्ध होणार आहे.

महसूल, ग्रामविकास, रस्ते, पाणीपुरवठा, वीज, आरोग्य, शिक्षण, शासकीय योजना, विकासकामे तसेच विविध शासकीय विभागांशी संबंधित प्रलंबित प्रश्न जनता दरबारात मांडता येणार आहेत.

१ सप्टेंबरपर्यंत तक्रारी जमा करण्याचे आवाहन

जनता दरबारामध्ये तक्रारी प्रभावीपणे मांडता याव्यात आणि संबंधित विभागांकडून त्यावर कार्यवाही करता यावी, यासाठी नागरिकांनी आपल्या तक्रारी आवश्यक कागदपत्रांसह दि. १ सप्टेंबर २०२६ पर्यंत उत्तर कोरेगाव विभागातील प्रमुख कार्यकर्त्यांकडे जमा कराव्यात, असे आवाहन करण्यात आले आहे.

तक्रार अर्जासोबत संबंधित कागदपत्रे जोडणे आवश्यक असल्याचेही सांगण्यात आले आहे. नागरिकांनी आपली समस्या स्पष्टपणे नमूद करून अर्ज वेळेत जमा करावा.

गावागावांत जनजागृती करण्याचे आवाहन

भारतीय जनता पक्ष, राष्ट्रवादी काँग्रेस पार्टी आणि महायुतीच्या सर्व नेते, पदाधिकारी व कार्यकर्त्यांनी आपल्या गावांमध्ये जनता दरबाराबाबत जनजागृती करावी आणि जास्तीत जास्त नागरिकांना या उपक्रमाची माहिती द्यावी, असे आवाहन करण्यात आले आहे.

उत्तर कोरेगाव विभागातील नागरिकांच्या समस्या थेट लोकप्रतिनिधींसमोर मांडून त्यावर प्रशासनाच्या माध्यमातून योग्य ती कार्यवाही करण्यासाठी हा जनता दरबार महत्त्वपूर्ण ठरणार आहे.

“आपली समस्या मांडण्यासाठी जनता दरबारात सहभागी व्हा; आपल्या गावाच्या विकासासाठी आणि प्रलंबित प्रश्नांच्या निवारणासाठी आपला सहभाग महत्त्वाचा आहे,” असे आवाहन करण्यात आले आहे.

जनता दरबाराची माहिती
आयोजक/प्रमुख उपस्थिती : आमदार सचिन पाटील
प्रमुख उपस्थिती : मा.खा. रणजितसिंह नाईक निंबाळकर
दिनांक : ८ सप्टेंबर २०२६
वेळ : सकाळी ११.०० वाजता
स्थळ : विष्णुलीला मंगल कार्यालय, पिंपोडे बु.
विभाग : उत्तर कोरेगाव विभागातील सर्व गावे
तक्रार अर्ज जमा करण्याची अंतिम मुदत : १ सप्टेंबर २०२६
महत्त्वाचे : तक्रारीसोबत संबंधित आवश्यक कागदपत्रे जोडावीत.

आवाहन : श्री. अमित रणवरे, विधानसभा प्रमुख, भारतीय जनता पक्ष, २५५ फलटण-कोरेगाव विधानसभा मतदारसंघ